兒子穿針引線

薛家燕與型男拍廣告

薛家燕馬上就要升任嫲嫲，她的乖孫仍未出世，已經帶挈了嫲嫲與爸爸Jackson接了一個果汁廣告，由爸爸執導，嫲嫲做女主角。

Jackson更請來六呎型男做男主角，家燕姐笑言見到都忍唔住“流口水”。

家燕姐笑談拍這廣告的趣事：“我起碼飲了三支果汁，搞到成日去廁所，但我鍾意飲，拍完剩番啲果汁，我都帶返屋企之後再飲。”

今次這果汁廣告由家燕姐的兒子Jackson執導，談到母子檔合作，家燕姐笑Jackson要求一次比一次高︰“今次拍得幾開心同順利，不過佢要求好高，嫌我飲果汁飲得唔靚，話要做啲誘人動作，我都唔知點解要誘人，佢話係客戶要求喎。”

談到與型男合作，家燕姐笑說︰“呢個拍檔叫Daniel，有型又識做戲，因為廣告要表情十足，佢又做得幾好，睇番Play Back發覺我哋都幾襯，我直情成個青春晒。我哋有眼神接觸，令我流晒口水。”