唱歌發音不準要死記

谷婭溦煲劇練廣東話

前晚，C AllStar、譚嘉儀、谷婭溦、施匡翹、糖妹、龔柯允、郭偉亮等為新一集《勁歌金曲》節目錄影。谷婭溦坦言自己廣東話不好，對在香港發展會有一定障礙，所以已努力睇劇集和讀報紙練好廣東話。

谷婭溦在節目中與龔柯允合唱彭羚的經典歌《來讓我跟你走》，她表示：“由於我的廣東話不好，唱歌的發音真係要不斷去死記，都好難，彩排時都唱錯幾個字。（平日你如何練講廣東話？）我平日主要係睇劇集同讀報紙去學廣東話，我會一邊睇劇集，一邊跟住角色講對白，外人看來我在自言自語，家人還以為我黐咗線呢！”她表示自己唱歌時的廣東話發音，比平時講話要準一些。她承認自己廣東話不好，會影響在香港的發展，但她會努力去學，一定會有進步的。

對於節目中的點評環節，她笑言都有興趣參加：“可以試吓畀人批評唱功都好，因為肯定會有人鍾意同唔鍾意我的歌曲，如果係中肯意見，我係會接受的。”

對於《勁歌金曲》邀請嘉賓對歌手的演唱出作出批評，譚嘉儀表示真係有啲緊張，她表示：“事前我都有做足準備練好啲歌，好彩我今晚負責嘅環節唔使接受批評，今晚只係介紹新歌。”提到馮盈盈跟她學唱歌，她表示盈盈已經上了一堂，她有幫盈盈做開聲練習，並揀了一首歌試唱，她讚盈盈一點就明，非常聰明同好有天份。

施匡翹表示：“我會在“金榜預測”環節中唱出新歌《康復期》，呢首新歌本來應該在一個月前做宣傳，但因為我要考瑜伽教練牌，所以要押後。（可會擔心在節目中被評判批評？）都有啲擔心，心情雖然緊張但又好期待，因為新人係需要多聽真實的意見，上節目前好多朋友都問我驚唔驚聽完點評會喊，我希望自己唔會喊。我對自己歌藝有信心的，這首歌曲的監製舒文都有教我唱歌技巧，希望唱出來會為大家帶來驚喜啦。”