陳美瑩為音樂捱世界

樂隊“初久”主音陳美瑩(Meimei)日前為網上直播平台BIGO拍攝新一輯廣告，初時表情略為生硬，很快便放鬆心情，擺出不同甫士。

Meimei表示疫情期間搵食艱難：“很多騷都被迫取消，為幫補支出，唯有轉投主播行列搵真銀。”Meimei更說為音樂“捱世界”，為慳錢自己落手落腳裝修Band房：“其實所有做音樂的都明白呢啲苦況。我試過自己搬樂器去出騷，為慳貨車錢，要慢慢行路去，搞到個妝都融晒。依家最想上Chill Club唱歌，作品上到電台榜，我會努力向呢個目標努力。”

Meimei坦言做主播搵得仲多，不過她說：“我唔會放棄做音樂，雙線發展係冇問題，反而令更多人接觸到我的音樂，係另類宣傳。網上的粉絲成日點唱容祖兒金曲，佢又係我偶像，如果有幸同佢合作，真係死都願意。”

同場的網絡主播Amy就話網上粉絲太熱情，突然送上六位數禮物，嚇到她立即閂咪，不懂應對：“可能大家網上講嘢都會自在啲，咩都敢同你分享。試過有人同我講佢變性的心路歷程，聽人講嘢成為我網上最大職責。”