成班美女大談初戀經

陳紫芊棄日男揀港男

新城電台節目主持人陳詩晴、何天嵐、陳麗柔、林佩琪、 陳紫芊和Elyse日前為節目《Girls傾》拍攝網上版本，成班美女在節目中大談初戀經過，更自爆愛情經歷。

陳紫芊早前參選ViuTv最後一屆口罩小姐選舉，笑指參加比賽後令朋友不安：“雖然我入唔到決賽，但係節目出街後多咗人認得我，特別係我戴上口罩個樣，有時同朋友行街會被人指指點點，搞到好唔自在。依家去到餐廳，我第一時間會除罩，咁樣畀人望都會自然啲。”

陳紫芊又自爆讀書時期曾經與日本人拍拖：“原因係覺得佢哋衣着好有品味，又似日劇裡面的男主角，所以當陣時都幾迷戀日本男！但依家我會選擇同聲同氣的香港人，起碼我講笑話，佢哋都聽得明，哈哈！”

陳麗柔就笑言“放眼未來”為事業打拼：“依家我會教人做瑜伽，唔止女學生，男仔都會報我的堂。雖然開頭真係純粹支持我，但後來佢哋真係愛上玩瑜伽！最經典就試過有女仔來上堂，跟住同我講佢男友好鍾意睇我的片，專登來睇吓真人，所以真係咩人都會有。”

陳麗柔早前參與 ViuTv 綜藝節目拍攝，她指自己都有留意“電視大戰”，更與郭嘉駿(193)合作過，但唔算太熟。她亦力撐對方言論：“其實193 都係講出後生仔心聲，而且言論非常勇敢，我好欣賞佢！”

陳詩晴就話剛入行，唔敢拍拖，怕被公司詐型，自嘲要做“戀愛絕緣體”：“公司唔係唔畀我拍拖，係因為我戀愛大過天，為另一半真係可以付出好多。如果因為做嘢陪唔到另一半，我會發癲！既然選擇做藝人呢份工，咁就要犧牲吓，索性唔拍拖，到自己有成績先再做選擇囉。”

同場的何天嵐分享自己約會時的裝扮：“會以小清新的清爽感覺去見人，感覺咁樣會女神啲，容易吸引異性！”另外她亦希望在娛樂圈可以有更多新嘗試：“希望自己可以上大銀幕，飾演不同角色！最想合作的演員是張家輝，睇過佢演的好多電影，飾演好人或壞人都入型入格，可以近距離跟佢學習一下就最好了。”