黎瑞恩八年前胰臟瘤消失

黎瑞恩（小恩子）於一四年離婚後，曾令她跌進人生低谷，可幸她看化世情重新振作，重拾積極人生態度。最近她因肚痛發燒入院，卻意外帶來好消息。

小恩子於八年前因身體不適入院做身體檢查，發現胰臟長有兩個瘤，最後她決定採取不聞不問態度，用開心情緒來擊走病魔。直至近日她感到肚痛及發燒，便以為自己“時間差唔多”而再次入院，但檢查報告竟然是兩個瘤消失了，令小恩子喜出望外，更加深信“喜樂的心乃是良藥”。

小恩子表示：“好神奇！醫生話見唔到我胰臟的兩粒瘤喎，只係腸胃炎導致腸抽筋。我即刻開心到癲，問咗自己好多次點解。原來唔好諗咁多無謂及負面東西，真係可以醫好病。所以我想同大家分享我的諗法，希望無論患咩病的朋友，大家唔好絕望，要放鬆及樂觀，凡事都有可能。”小恩子更體會到病原來真是會鬱出來的：“我係因為當年唔開心，所以病，不過而家冇事喇！所以我哋諗嘢唔好太偏激，每樣事情都可以從多角度諗，唔好因為人哋而激嬲自己，多些講好聽的說話（當然係要真心啦）。仲有唔好樣樣事都斤斤計較，咁樣就每日都開心。”