被馬德鐘讚好戲

陳瀅唔認搶戲份

歐陽震華、馬德鐘、陳瀅、衛志豪及鄭子誠等出席劇集宣傳，眾人分組玩遊戲，重演劇中場面。飾演奸角的鄭子誠表示劇中的迷姦戲拍得好辛苦，要在狹窄又局促環境下拍攝，但播出來的戲份篇幅不成正比。

TVB劇集《伙記辦大事》星期日晚將播出大結局，但女主角萬綺雯一直未見出席宣傳，歐陽震華(Bobby)說：“佢返內地搞緊民宿，因為往來要隔離，所以返唔到香港做宣傳。人哋日理萬機，點返港做宣傳？佢做大生意大茶飯，遲啲可能連影城都搞埋。”Bobby更笑言要自薦為萬綺雯的民宿做代言人。

被問到有無新的拍劇計劃？Bobby說：“未斟，睇吓拍乜先講。我想自編、自演、剪片及配樂。如果再拍劇，就想做埋編劇，好似王祖藍咁。”他指自己做了三十多年正派角色，好想轉演奸角，但無奈無人敢搵佢演：“我個樣善良嘛，所以冇人敢試，驚孭鑊，分分鐘畀人鬧，因為電視劇要入屋。”

馬德鐘與陳瀅劇中有感情線，對於劇集進入結局周，陳瀅表示自己未有時間睇，希望觀眾留意大結局，因為最好睇的戲都留在今個禮拜播出。對於有網民不滿陳瀅在劇中的戲份比主角萬綺雯、歐陽震華及馬德鐘還要多，令主角變配角，陳瀅解釋道：“係咩？我都好抱歉，如果我係佢哋粉絲，都期待見佢哋多啲。但因為我角色係臥底，要貫穿成部劇，所以見我的次數比較多。（可有為此唔開心？）冇唔開心。”有指無線近期很多劇集都借女一去捧女二？馬德鐘就代陳瀅解圍，指劇集是雙女主角、雙男主角，大家並列男一女一。陳瀅笑言：“萬綺雯真係在內地有工作，才冇時間返港。”

有追睇劇集的馬德鐘就讚這兩星期的劇情好有話題性：“尤其係劇中賴慰玲的角色好慘，我拍的那場官司都睇到好心塞，真係進入白熱化，都想睇陳瀅呢個臥底在我身邊會發生咩事。”馬德鐘又大讚陳瀅演對手好戲：“整個拍攝過程非常愉快，大家合作好有火花。他們有多場戲都有內心交集，結尾還有一場兩個人好犀利的戲，值得收睇。”