余香凝拎獎感激鮑姐

余香凝(Jennifer)去年底與影后鮑起靜及好戲之人潘燦良拍攝微電影《日子總有我伴你走》，她更憑該微電影奪下最佳微電影女主角獎。由於疫情關係，是次微電影比賽未有舉行頒獎禮，不過近日該獎座終於送到Jennifer手上。

對於今次獲獎，Jennifer直言開心又感恩，又笑言腹中BB“腳頭好”。她笑說：“BB在肚入面已經歷拍攝同攞獎！不過我覺得最大拎獎原因係導演同鮑姐，冇鮑姐做對手戲，唔會有咁好表現，所以好多謝鮑姐。”

Jennifer直言能參與拍攝的滿足感比得獎更大，而且拍攝時正經歷人生大事，感覺很特別。她說︰“其實自己冇諗過拎獎，有得做呢個講親情的劇本已經好滿足。我一直都好想做關於親情的作品，導演第一次搵我拍呢部微電影時，我正計劃結婚，到拍攝時就有了BB，所以所有事情都來得好合時。加上我婆婆都好大年紀，好想做一些關於親情作品畀婆婆睇到，或者畀大家睇到，去宣揚要珍惜眼前人的訊息。”

最後她大讚整個團隊充滿愛，拍攝時非常緊張她這個“大肚婆”。她說︰“拍攝時因為有咗BB，所以大家好緊張我，成個團隊好有愛。導演好想拍一套電影長片，我都好期待！希望導演寫好劇本後，可以搵原班人馬一齊再玩啦！”