吳業坤打工度假開竅

“坤哥”吳業坤日前接受TVB娛樂新聞台專訪，大談赴日本“打工度假”及挑戰“東海道五十三次”的感受。坤哥透露本來計劃二月返香港：“但覺得自己好似咩都冇做過，好頹廢，良心有過掙扎。所以決定挑戰東海道五十三次，由京都步行到東京。”

談到這次挑戰的體會時，坤哥說：“路，好似人生咁！開始咗就冇得返轉頭，有咩都要硬住頭皮上。第一日行咗四十公里，實在高估咗自己，搞到對腳、膝頭同腳腕都好痛。行咗四、五日才可以適應，都有諗過放棄一刻，想搭車返去京都。每日最期待就係去到旅館澡堂浸腳，浸咗成個鐘都唔想出來！”

坤哥直言經過今次經歷，成熟不少。他說：“雖然呢個旅程有頹廢的時候，但我覺得今次真係拋開過往沉澱的東西。以前做訪問成日話要沉澱，原來一直積聚下來，今次真係打通晒！返香港之後，我真係開心咗好多！可以同大家講，都想搵返個女朋友！（在日本有否認識新朋友？）有！睇吓可唔可以發展，不過唔一定揀日本女仔。如果真係有女友，冇乜所謂，可以公開畀大家知，但依家真係冇。”