滿貫藍寶捲土重來

澳馬戰火重燃，今午上演兩草三沙混合賽，在全闊草地角逐，頭場下午兩點正開跑。騎師除林凱、何華麟及陳卓鋒養傷外，續由上仗原班人馬出戰。綜觀大局，部分場合海軍鬥水兵，形勢呈暗湧，賽果熱倒冷爆唔奇，投注小心選擇。

筆者心水推介，第四場三四班一○五○米，馮耀正廄“滿貫藍寶”可做馬膽。此駒上仗劉永康一手跟進，馬匹敗後落班再戰，今次原配捲土重來，騎者對此駒摸實不放，料必有諗頭。“滿貫藍寶”上季沙地同程開齋，今季已取三捷表現勇進。此四歲馬質新未盡，全熟後評分還有上升空間。上仗首配劉永康搶放落敗，看走勢旨在試馬。拼後小休重新打磨，周內晨操劉永康親自摸過幾課，論賽前備戰工夫做得充分。今次落班出擊，遇上同組對手無多，憑班宜路合可勝此陣，不妨優先考慮。