妹仔貴過主人婆

一九七七年《星球大戰》一炮轟響全球，成史上僅次於《亂世佳人》最賣座電影。導演卻因打破工會規定不在片頭映出演員名單被罰，佢索性唔做導演，只做編劇。《星球大戰》系列、《奪寶奇兵》系列依然搵大錢。

佐治盧卡斯，少年夢想當賽車手卻撞爆肺，轉攻電影。初戰職場，於兜踎時與尚未成名的《教父》系列導演法蘭西斯哥普拉拍檔搵食；與史提芬史匹堡合拍《星球大戰》，佢唔要導演費，只要片外產品授權。

有人認為笨實，唔要導演費要垃圾。然呢招高矣！數十年後，星戰電影早已爛市，片中人形公仔至今依然大賣，版權費賣一隻收一隻。當年星戰系列片票房收十億八億美金，佢則坐收過百億，當年自認聰明者揼心矣！

星戰、奪寶系列片名利雙贏，盧公見好就收，索性賣埋版權，無謂費神。然買家仍有意拍星戰續集，卻無視佢忠告，盧公唯有祝佢好運。

今日係盧卡斯七十七齡牛一。

西門公子