馮允謙想邀吳家忻拍MV

全港首個大型網上策略行山賽《香港百峰行2021》啟動禮昨日在旺角舉行，馮允謙(Jay)及女模吳家忻(Jeannie)、香港拳王曹星如等齊獲邀擔任嘉賓，席間各人都有分享自己的行山經驗。

Jay表示：“我好鍾意行山，平時都有同細佬及好友去行魔鬼山。去年十二月在加拿大的嫲嫲病逝，因疫情關係都未能飛過去見她最後一面，有點負面情緒，都係靠行山抒發內心的傷痛情感。（行山時有何見聞？）有時會睇到有情侶情不自禁地接吻，我會即刻轉移視線。（你又可會同女朋友咁做？）唔會，自己都會低調一些。”

Jay昨日大讚Jeannie靚女，想邀對方為MV擔任女主角，Jeannie亦表示好感興趣。Jeannie透露自己鍾意行夜山，問她可有約男友一齊行山？她表示男友晚上唔得閒，她會約女同學去行夜山，而男友平日都有與她一齊做Gym。