湯告魯斯報警驅闖片場者

拍攝中的《職業特工隊7》(Mission:Impossible 7)可講一波N折，最近又再被五十八歲的“靚佬湯”湯告魯斯(Tom Cruise)提上拍攝日程。不過，靚佬湯在Yorkshire鄉郊拍攝時並不暢順，事關場地實在太大，附近有好奇心的人爬入拍攝場地周邊偷窺，防不勝防。傳聞湯告魯斯可能會請一隊保安人員阻止八卦者好奇偷窺，以保拍攝進度順暢。

入侵者闖進片場原來有前科，上周靚佬湯嬲到報警，他強調事後再發現會嚴肅處理，不會再當是粉絲好奇而已。其實最驚是入侵者沒有做防疫檢查，靚佬湯的團隊已經不起任何再停工的耽誤，所以請保安趕走滋事者勢在必行。