聯同共融樂團到樂園拍MV

林奕匡重拾音樂回憶

歌手林奕匡近日聯同香港某非牟利機構及最大共融樂團重新演繹迪士尼動畫電影《阿拉丁》的經典歌曲，並於香港迪士尼樂園的全新奇妙夢想城堡前拍攝MV，場面夢幻又壯觀。

林奕匡(Phil)向來積極關顧弱勢社群，回饋社會，近日他聯同香港宣揚互相接納、彼此包容與和諧共處的某非牟利機構以及最大共融樂團True Colors Symphony（TCS），重新演繹迪士尼動畫電影《阿拉丁》的經典歌曲《A Whole New World》。Phil認為別具意義，他說：“這首歌曲有一個好重要的訊息，就係無限變化及可能。好似我細個在外國長大，代表學校表演、參賽得獎，令我重拾不少自信。呢個樂團裡面有唔同年齡層、唔同傷健問題的樂手，音樂係佢哋自信心來源，並透過音樂展現才華。希望透過今次合作，可以改變大家對傷健人士的睇法，透過音樂呢個共通語言，認識到佢哋另外一面，帶領大家認識一個新世界。”

在這次合作中，Phil暫時放下歌手身份，充當色士風手，與來自不同背景的廿一名樂手一同合奏，完全體現了共融、和諧的一面。談及今次參與其中的原因，Phil說：“一來關於音樂，二來身邊有朋友是視障人士或其他傷健人士。知道佢哋玩音樂都唔容易，所以今次可以同True Colors Symphony合奏係好有意義的事，仲要係去香港迪士尼樂園呢個能夠令夢想成真的地方拍攝MV，對佢哋來說，呢個體驗一定係好難忘的回憶。”

Phil坦言十分享受今次合作，因為讓他回想起求學時夾Band的日子。他說：“以前會在返學前、午飯時間或者放學後夾Band。我玩爵士樂樂隊，色士風手係會坐前排位置，今次拍MV亦一樣，所以好多回憶湧現。作為歌手，演出時需要突出自己個性，但一大班人演奏就要互相聆聽，全部人透過音樂融為一體。今次身份角色唔同，但與不同樂手一齊玩樂器，而且仲要中西樂器混合埋一齊，好正！”

拍攝期間，Phil特別關心各團員的狀況，他解釋道：“鏡頭下，大家都想呈現最開心的一刻，但因為要着西裝、又要在猛烈陽光下拍攝，佢哋可能未必習慣，所以都會盡量令佢哋開心啲。”