常山鷹一網打盡

上周五晚李森廄搏殺爆出大冷門“酷鷹”，練者贏馬破悶局，令廄中人注下強心針。李森今仗兩駒出戰，馬房乘勝追擊仍堪重視。

錢廄上仗頭馬欠奉，因戰駒早排搏得多要回氣，交白卷唔奇。廄主今季爭冠軍，部署出擊要有計劃，馬匹搏完唞過再來。今仗精品列陣，兵分多路出擊，倚重幾位不同風格騎師搏殺，料有頭馬見面。

第二場：四五班千五米。“常山鷹”上仗千二米用艾比落敗而回，此仗無心攻堅，擺明是求減分。拼後小休再來，今次復跑開齋路程正合腳法。“常山鷹”質新馬成熟長進，今次重遊勝途不同估計，憑路合檔佳，可一網打盡。

第四場：三班千二米。“美麗之選”上仗搏殺無功，但前中段走勢悅目。此駒竄勁夠強，拼後復課再磨，今次續由田中正一操刀配搭完整。原程再戰排四檔有利，只要出閘咬貼對手，鬥直路可後來居上，爭取開齋。

第五場：一二班一○五○米。“由心出眾”沙地性能特佳，同程往績出色。此駒上季搏得多，評分高企要等回氣。馬匹連敗多仗已減分，今番負磅輕飄飄，論形勢有利。由鮑羅素冷殺手主轡，遇上同組對手不多，應有取勝機會。