昨晚賽事總投注逾三百五十萬

鄒濤攜手梅開二度

昨晚草沙混戰完结。是仗戲碼不弱，五場賽事總投注共收三百五十三萬六千元。

頭場六班水鬥水跑出大熱Q。高君濤騎鄒廄“榮華煌日”以較佳留放，後上輕取對手先拔頭籌。此駒上次高君濤接手跟進跑梗頸四，拼後原裝人馬捲土重來。今次排十一檔，起步搶放及時埋欄，沿途有廄侶“滿堂威”作開路先鋒，轉末灣發力透出直奔終點，贏至對手無力招架。處女馬在澳喜獲首捷，騎練齊居功。“榮華煌日”質新未見底，開竅後料有更進一步表現，下次升班仍可重視。

第二場余健雄替譚廄“喜悅戰士”開齋。此駒在澳服役未贏過，跑至今季賽績仍一片空白。上次騎者跑千二米力拼得第四，今次原配增程出擊。余健雄留放適度，憑一條直路殺低對手，替馬匹開齋，跑完獨贏有五倍分頭不俗。譚文就、余健雄齊添進帳。

第三場李森廄“酷鷹”爆大冷贏馬。此駒易主後久休初出，今次交由任布利押陣。騎者出閘留住跑，入直路才全力衝剌，埋門將對手一網成擒，爆三十二倍冷W。李森守齋多時未贏馬，今次贏“酷鷹”打破悶局，任布利應記一功。

第四場高君濤、鄒欽華齊齊起孖。此雙騎練頭場開餬氣勢盛，是場攜手炮製“高而靜”。今於七駒場合起步應聲彈出，全程守住第二位，入直路撒開大步衝線，贏來輕鬆自如。高君濤一口孖寶收穫豐，鄒欽華梅開二度。

尾場恩利克騎兆廄“樹大招峰”食尾餬。此駒上仗蔡義武掛帥無功而回。今次換人轉戰沙地，出閘快放全程一氣呵成帶返，贏至對手離行離列。騎丶練攜手食尾餬埋齋。