婦好將軍擺明車馬

今晚五場草、沙地賽事，賽前來料推介頭場“婦好將軍”及第四場“有玩意”，啱心水不妨捧場。

“婦好將軍”上仗初配面箍交出好表現。今晚操足再來，恩利克執韁擺明車馬，對手實力非強，可望贏馬收復失地。“榮華煌日”曾在同程拼入一席第三，表現唔算太差。今日仍繼續起用高君濤搏殺，單Q一於揀佢。

“有玩意”上仗草地短途搏殺得第二，今晚重返沙地，配張志立減磅，路合且上陣馬不多，可望贏馬交代。“豐收日”上仗草地短途起票搏殺失手，今晚轉爭試閘出色的沙地上陣，部署有計劃，馬房可望一Q返來，不妨留意。