喜悅戰士拼盡開齋

今晚草沙混戰出馬稍增，各場形勢不單純，馬少場合暗藏殺機，賽果熱倒冷爆唔奇。練者錢健明及譚文就各派六駒出戰，馬匹實力各有千秋，要捧邊個場悉隨尊便，博分頭不妨吼譚廄。

譚文就暫取二十W排名第四，成績四平八穩。練者部署出擊亦有一手，馬匹搏殺準繩度高。此廄馬喜歡求賠率，戰駒勝出有分頭。今季所贏頭馬賠率不俗。今仗精品出擊，部分馬匹於低班場合作賽，倘勝出料有好派彩。買中一件夠本，兩件有驚喜，臨場吼緊。

第一場：六班千五米。“喜悅熊”上仗千八米前段搶放，走至直路力弱始敗，跑來有進步。馬匹拼後重來，今次轉跑千五米尤合發揮。此駒畢竟質新，易配任布利戰鬥力亦不弱，今於水鬥水場合，隨時異軍突起。

第二場：六班千五米。“喜悅戰士”季內多仗無建樹，但三歲新馬實力未見底，成熟後料有頭馬見面。此駒上仗拼得第四，走勢轉好不少。拼後重新打磨，論作戰水準有所提升。余健雄摸住不放，可見對此駒重視。今遇對手喎妥居多，拼盡可開齋。

第五場：三四班一五一○米。“忘不了”上仗草地千八大敗而回，此途程根本不合發揮，敗難作據。拼後重整旗鼓再來，論馬狀態仍佳。此駒居此組作賽未算吃虧，今次回師沙地路程適合，起用田中正一操刀戰鬥力不弱，憑人馬夾檔，可食尾餬。