關心妍唔放棄歌唱事業

關心妍(Jade)日前接受TVB娛樂新聞台節目專訪，大談相隔五年再推出廣東新歌《腍》的感受。過往很少演戲經驗的Jade說：“今次拍MV，我事前有同導演講，唔好勉強一定要畀個角色我做，唔見我個樣都OK。當我收到劇本，我仲同自己講Good Luck！因為今次的角色要有好多情緒，好難演！仲要處理好多復仇、奸詐感覺，但估唔大家覺得我演得好自然。可能人大咗、經歷多咗。”

Jade婚後對唱歌仍不離不棄，她說：“對上一次推出新歌，已經係佗住BB的時候。其實音樂係我生命一部分，我唔會因為要生女，就完全停晒我有關音樂的工作，一直Keep住聽新歌、鑽研歌曲同教學生，依家只要好好安排時間就得。(再次錄歌需要問准家人嗎？) 我都有問老公，因為我要同佢配合，輪流照顧小朋友。依家我除了要睇住自己的時間表外，仲要睇埋老公、個女及教學生的時間表，真係仲忙。囡囡雖然仲未明白歌手呢個職業，但佢知道表演呢件事。佢會好好笑咁問我今日做完嘢係咪會有錢？咁咪可以買糖畀佢囉！”