汪琳湊仔未考慮復出

久未露面的汪琳，昨日偕同老公及九歲大女兒和快三歲的兒子一齊出席舞蹈學院開幕禮，母親節將至，汪琳謂會一家人出外食飯：“可以外出食飯已經好開心。”

汪琳細仔在現場非常活躍可愛，不時走來走去。汪琳笑說：“原來男仔特別曳，若然第一胎是男仔，我一定不會再生。女兒就乖巧得多，因為疫情期間經常留在屋企，細仔太過活躍，走漏眼怕他會撞親，幸而家姐幫手分擔，睇住細佬。”問到會否再追多個女時，汪琳耍手檸頭：“唔好啦，已經封肚，再生會阻住我做甘草的計劃。”

汪琳表示自誕下細仔後又遇上疫情，已有一段日子沒有出席公開活動，所以很掛念幕前工作：“有時睇劇都會戲癮大發，不禁回想起以前拍劇的日子。不過，湊小朋友是我人生最大目標，陪伴他們成長是最珍貴的。我想做全職媽咪陪多子女幾年，客串亦不會考慮。或者等孩子長大後有自己的生活、不再要媽咪照顧，我便可以出來當甘草演員。”