陳瀅拍強姦戲好享受

TVB新劇《伙記辦大事》昨日在電視城搞宣傳活動，該劇演員馬德鐘、陳瀅、楊卓娜、衛志豪等人亮相。陳瀅說前晚包着毛巾拍色誘戲時，被“怪叔叔”偷拍：“有個叔叔又高炒、又低炒狂影相，起初以為係工作人員，後來先知道佢係場地負責人，擾攘了一段時間，佢唔肯刪啲相，我覺得被侵犯，差啲要報警，最後佢應該有刪咗。”

陳瀅埋怨當日冇戲份的馬德鐘不在場：“如果你喺度就會保護我，當日冇人出聲都嬲嬲哋，如果你在場就一定會出聲。”馬德鐘笑說：“我係正義嘅朋友。”陳瀅首次拍攝被姦戲，對手是鄭子誠，笑謂相當享受，她說：“因為係鄭子誠先咁享受，因為佢聲線好溫柔，佢溫柔到有啲詞語都講唔出口，要馬德鐘教佢。”