阿Sa揀C君做老公

周柏豪服輸：佢靚仔幽默

前晚，蔡卓妍（阿Sa）、周柏豪、衛詩雅及C君一同出席新片《感動她77次》首映禮，老闆楊受成偕太太及一眾英皇同門，包括陳家樂及泳兒等齊來撐場，現場還有大班粉絲，舉牌大嗌偶像周柏豪和蔡卓妍的名字支持。

獲大班粉絲撐場，周柏豪笑言很久沒見到這麼多人，感覺可以有返社交接觸，多了些人氣。阿Sa也笑說：“原來我還有粉絲，好耐無見，來戲院時見到有個兩年沒見的粉絲，她肥咗，我就瘦咗！”提到拍檔鍾欣潼（阿嬌）上內地節目被指體型脹爆，阿Sa回應：“最緊要健康，她之前有賀爾蒙失調的問題。”有冇關心佢？阿Sa說：“她已知，不會講太多，佢知喇，講得多好似畀壓力佢，最緊要還是健康和開心！”

《感》早於二○一八年拍攝，事隔三年終能上畫，柏豪已為人父，他說：“和團隊、阿Sa的心機終於有出頭天，同大家分享好開心，之前不停想部戲幾時可以上畫，因為第一集好受歡迎，不想大家的心機白費，現在疫情算控制到，希望順順利利。”有信心成績比上集好？他說上集反應實在太好，不過今集仍然有信心。阿Sa則說戲院只開七成半座位，但仍抱存比上集更好的希望。

今集戲阿Sa被柏豪、泰國型男Mario Maurer及C君同時追求，她說現實生活中會選C君做另一半：“C君搞笑嘛，我們又同月同日生日，是緣分！”記者說C君不靚仔，阿Sa說：“他不靚仔嗎？我覺得他好靚仔。”柏豪輸給C君可會不忿？他答：“我都覺得C君好靚仔，又有才華，又幽默，戲入面他還有飛機！”問阿Sa揀C君，男友會否好傷心，她說：“咁講之嘛，真嘅咩，C君都結咗婚啦！”提到阿Sa一周內痛失兩愛犬，她眼紅紅說：“今朝先送走了牠，心情需要時間平伏，始終這麼多年，不再講了，我怕會忍不住。”