胡鴻鈞翻睇負評融入新歌情緒

胡鴻鈞(Hubert) 日前接受娛樂新聞台節目專訪，大談推出新歌《整親》的感受。

新歌有別於過往的慘情歌風格，Hubert說：“其實今年想跳出框框，唔甘於只係唱慢歌，希望透過新歌畀樂迷知道我有其他可能性。或者有一日我都能夠變成跳唱歌手或者Rapper。”

談及新歌題材帶點自嘲成分，當中歌詞更有提到“刀削面”，Hubert說：“呢首歌係總括我入行至今外界對我的評語，有好有唔好，經歷咁多年，到呢刻再次面對自己心態上的轉變，從而帶出正能量給大家。今年推出的歌曲會講自己經歷過的事，好想年尾推出一張概念專輯，完全記錄自己，剖白胡鴻鈞究竟係咩人。”

是否完全看透昔日負評？Hubert說：“我唔係成仙成佛，對所有評論冇感受就假。之前面對負面評論時可能會不知所措，唔知點面對，一定會有情緒，所以依家要學懂平衡，識得用樂觀心態面對。錄音時有段小插曲，可能我面對呢啲評論有點豁達，起初演繹時未如理想，所以監製蘇道哲特登上網搵返我昔日的負評同片段畀我睇，帶我進入新歌的情緒中。”