賓菲加六蛋贈警察

【本報消息】本地甲組足球聯賽，昨晚七時氹仔運動場上演兩戰。賓菲加靠射手哥爾斯連中三元，六比○大勝警察。士砵亭一比一逼和蒙地卡羅，搶得今季第一分。

賓菲加迎戰警察，實力佔優的賓菲加開賽後不斷強攻，柏度把握角球機會，亂戰中篤入助賓菲加領先。卅三分鐘，陳敏罰球中楣彈出，柏度門前補中，加上哥爾斯半場前半單刀破網，賓菲加半場領先三比○。賓菲加換邊後續主導形勢，雖然哥爾斯早段十二碼被門將李東救出，但吳鏵景五十九分鐘門前撞入，加上哥爾斯之後再入兩粒完成帽子戲法，賓菲加最終六比○大破警察。

士砵亭迫和蒙卡

蒙地卡羅惡鬥士砵亭，蒙卡開波僅九分鐘，即靠林磊毅入波領先半場。換邊後兩隊互有攻守，士砵亭靠沙巴斯迪恩接應角球頭槌破網扳平。士砵亭追和士氣大振，力爭首勝下尾段傾巢而出，惜安祖等鋒將連番錯失機會，最終兩隊賽和一比一。

青鋒今迎戰聯樂

甲足今晚七時續戰，青鋒迎戰聯樂，兩軍上輪同樣贏波添士氣，青鋒有高美斯、奧馬掛帥有優勢，今戰續前線領軍，稍稍睇好。另一戰加義鬥恆勢，加義儘管上仗大敗，但今季整體表現有驚喜，龔政豪、黃華麟等領軍，同樣可被睇高半線重返勝軌。