蝦頭逐愛如戲

企業女强人、有財有地位、生活多姿多采：一腳踏六船，同時擁六個“男炮友”。這豪放女角色，被男網民選為《愛美麗狂想曲》最受歡迎的角色。

預告：“蝦頭”楊詩敏不可能上台慶領奬台的了，她已離開無線、邵氏，追逐她的舞台夢——她早已是“劇后”！

四十五歲的“蝦頭”渴望愛，在現實中，屢愛屢敗越去愛，但至今孑然一身。她曾説過：“父母離婚，令我覺得原生家庭都不美滿，自己又點會得呢？潛意識竟然有一粒不知所謂的種子，不相信有天長地久的愛情。”

不信愛情，又渴望被愛：“會花盡心思鋪設好愛情陷阱，令對方對自己有好感，繼續展開愛情。”蝦頭自爆：“我好似無被人追過，其實都幾搞鬼。最癲陷阱用了三年去鋪，一齊過了二十六日。分手後，他要求我繼續對佢好，持續咗幾年，原來佢背後做咗好多衰嘢。我同佢講，以後唔會搵到我，已將你Delete。”

“以為唔傷，原來遍體鱗傷。”更傷的是，與邵子風由經理人變成伴侶之後，“愛情本身已經好多學問，再加上我同佢又係經理人、創作伙伴兼同居關係。當生活有磨擦，轉個頭一齊工作又有磨擦，好多嘢累積，到最後眞係攬住一齊死，所以決定分開。”

加倍情傷就會“爆廠”，蝦頭表白分手後仍頻頻見面，忍呀忍而墮入深淵：“去見醫生，才明白無人關心自己。”楊詩敏慢慢走返出來，重新面對殘缺不堪的自己。問到能否接受《愛》劇中Kiki姐將好友變成炮友的行為？“官能上的滿足，我覺得係爽嘅！因為愛一個人，要兼顧好多嘢，會好辛苦。如果只係滿足肉慾，就好似食飯，你餓，去食就搞掂，唔使顧咁多嘢。食住等，我接受到。”

高 梁