搞展覽吸引年輕人

汪明荃唔開班授徒

汪明荃為其個人戲曲展舉行開幕禮，展覽除了展出汪明荃不同時期的造型照片，更展出她的粵劇戲服、劇本、戲箱、裝身箱等物品，相當珍貴。當她看到自己及羅家英的舊照片時，相當雀躍地向來賓介紹。

汪明荃（阿姐）致力推動粵劇，在香港理工大學舉行名為“荃承創新”的展覽，展出大量阿姐入行以來珍藏的各款演出造型照及一些生活照，另外還有戲服及劇本、戲箱、裝身箱等物品，相當珍貴。昨日在展覽開幕禮上，不少名人及藝人出席捧場，包括一向支持傳統戲曲的霍啟剛，以及鍾培生、甘國亮、郭子豪及女友鄧卓殷等。

阿姐帶領到場嘉賓邊看展品邊作介紹，當發現生活照中有羅家英，她即雀躍說：“嘩，家英哥好多頭髮。”她指老公家英哥因返內地拍電影，因而未能出席該活動。

阿姐表示舉行展覽目的是傳承粵劇文化，希望吸引更多年輕人。問到傳承可會困難重重？她說：“又唔算太困難，依家好多年輕人學習，困難的地方係資源、人才唔夠。要寫一個好劇本唔容易，寫的人要中文好，仲要有音樂造詣，政府要資助多一些。創新就要在傳統的基礎上有新諗法。（會唔會開班授徒教粵劇？）我唔教喇！有專業導師去教。”

鍾培生昨日特地現身支持，原來其母與汪明荃是朋友。他說：“阿姐係我媽咪的好朋友，睇住我大。我都鍾意粵曲，但只係識唱幾句。”談及他與林作的九月擂台，他表示近日正積極練習，之前的眼部傷患已好轉，但仍有一點紅。

林作昨日有活動展示最近情況，但鍾培生表示無留意：“佢犀利唔犀利，我都係咁練，我對自己好有信心。”對於被林作取笑 他“戒色”係身體虛，鍾培生說：“我非常強勁，練得好好，脂肪少咗，增加咗肌肉。依家我專注事業，修心齊家，做好自己。”