馮盈盈讚陸浩明心態年輕

馮盈盈與陸浩明（6號）昨日出席《千萬求一路》揭幕禮暨概念微電影啟動禮，兩人分享對年輕人的住屋問題的探討，盈盈亦講到其理想家居的必要條件。

馮盈盈之前被指買入將軍澳豪宅，應該沒有住屋問題，但昨日她澄清絕無任何物業：“一直沒有以自己名義置業，現時與家人住的單位也是租住。”6號坦言想今年置業：“正在物色樓盤，因做這行收入不穩定，買磚頭是穩陣的投資，慶幸十一年前已與弟弟夾錢買樓給父母住。”

“伯樂”余詠珊快將離職，問6號可有聯絡對方？他只說：“公司有任何同事離開，都好感謝佢對公司作出的貢獻，都祝福佢有新發展。（即係會唔會聯絡她？)可能會問候吓！”對於盛傳無線有“限廚令”，曾與肥媽合作拍攝十輯《食平D》的6號表示不清楚，亦贊成節目要多元化。

男團ERROR有成員早前暗寸6號“四十幾歲人仲後生仔傾吓偈”，昨日6號在活動上亦係探討年輕人議題，他笑說：“我好喜歡幫助年輕人，我欣賞後生仔的創意同豁達心態。（可介意被暗寸？）冇乜所謂，最緊要開心好玩。多謝佢有留意我哋，希望大家畀心機做好節目，亦希望佢哋加油。”馮盈盈就讚6號喼得好：“仲咁後生！如果我第時都可以保持心境咁年輕就好。好似我明明廿六歲，啲人以為我三十歲。”