昨日總投注近三百五十萬

張志立喜中三元

昨天草沙混合賽完結，六場賽事總投注三百四十九萬一千元。

頭場陳卓鋒座騎“火星代表”閘前走脫，騎者“落樓”受傷退下火線。是場實得十一駒角逐，張志立騎劉志森廄“暴風雪”埋門險勝。此雙人馬上次爆冷後再來，今次受人追捧成熱門。騎者出閘跟住七八位，入直路展強勁衝剌，埋門一步挫敗冷馬“一齊開心”悉先衝線。“暴風雪”今次加磅出擊一樣掂，反映馬有實力，料季內還有一番功業。張志立、劉志森攜手先拔頭籌。

第二場恩利克騎適廄“好友勁”贏馬。此雙人馬季內合作贏過一次，已是老搭檔。上仗劉永康執韁跑梗頸四，今次恩利克重掌帥印，發揮水準不同。出閘快步搶先。全程直帶到底，贏來輕鬆自如，替馬匹收復上仗失地。“好友勁”千二米最佳出路，夥拍恩利克夠夾檔。適廄贏馬，騎者居功。

第三場張志立起孖。此子騎錢廄“聯誠歡聲”埋門後上取勝。此雙人馬季內屢有戰功，上次易配田中正一跑第六無功而回。今次回配張志立熟手操刀，騎者掌握尺寸，埋門力挫廄侶“駿王仔”，替馬房建功。是場張志立起孖寶，錢廄包辦馬房Q，騎、練收穫甚豐。

第四場中野省吾爆冷贏恩廄“追鷹”。此子久休至今賽才復出，在頭場騎“烈火戰駒”闖入三甲表現不差。是場騎“追鷹”出閘快放，全程自造步速，一口氣直放到尾，爆四十二倍冷W。此駒在澳未跑過千五米，今番首戰即勝，贏來令人刮目相看。史偉恩喜添一W，中野省吾復出贏馬。

第五場張志立高中三元。此子贏“暴風雪”、“聯誠歡聲”起孖後乘勝追擊。是場騎馮廄“浩勝駿爵”以強橫後勁退敵。此駒上次一五一○米路長失利，敗後縮程再來。今次復跑首本途程表現生猛，騎者一條直路殺上，贏至對手無力招架。馮廄添進帳，張志立喜中三元。

尾場余健雄贏譚廄“森林木”。此駒上次草地千二米無功而回，今次轉戰沙地再來。出閘不夠快跟住五六位，入直路展強勁衝刺，埋門一攻而破替馬匹開齋。騎丶練食尾餬埋齋。