多臣強配 有力開齋

今午上演六場草沙混戰。因賽前落過雨，場地會起變化，睇環境又係爆冷格局，投注執生。高君濤上周連場報捷，兩仗共取五W，現累計三十八W，今季爭冠軍形勢大好。今手握重兵，搏盡又可數餬。另路人馬恩利克今仗六駒頗具份量，值得看重。

恩利克上周打真軍，贏得兩W進帳。現以十四W排名第七位。此子季內中規中矩，只要座騎夠實力，可交出水準來。近期搏殺得心應手，今仗騎足六場，胯下不乏精品。買馬跟紅頂白，旺門騎師可追捧。

第一場：四五班千二米。“多臣”上仗大熱落敗，輸在出閘“甩拖”，但看走勢直路追勁頗強。拼後小休重新打磨，論馬狀態有進無退。此駒質新具潛力，料全熟後躋身四班綽綽有餘。“多臣”今仗易配恩利克操刀，此子騎輝廄馬一向交得準。今同組對手多不穩分子，有力開齋。

第二場：三四班千二米。“好友勁”上仗力拼無功，但直路走勢強勁。拼後匆匆再戰，今遇同場馬少，形勢比人強。此駒前竄速度不弱，能跟可鬥，今次身處此群對手無多，恩利克熟手操刀，憑人馬夾檔，可勝此陣。

第六場：三四歲馬一○五○米。“俊星威威”上仗高君濤力拼無功，大熱人馬失色。小休復課再磨，在悉心打理下狀態續進。今番轉戰沙地改由恩利克掛帥擺明要搏。質新馬日益進步，跟得鬥得，今番人強馬壯，可爭取來澳首捷。