曾樂彤自爆重友輕色

日前曾樂彤作客TVB娛樂新聞台節目《StarTalk》，接受許文軒專訪，大談以成長為主題的新碟《Inner Child》。她為當中的新歌《躲不開的一課》填詞，她說：“之前都有嘗試為自己嘅Demo填詞，不過最終未有錄用，之後同好友洪嘉豪傾偈，佢提出不如幫佢試填Demo，真係冇惗過佢公司會起用，自此對填詞有返信心，公司唱片部同事都鼓勵我今次試吓自己填詞。”

曾樂彤與同年出道新人成為好友，包括洪嘉豪和戴祖儀，她説：“戴祖儀真係咩都知，又試過一齊去旅行，不論聖誕、除夕、年三十晚、情人節都係同佢過。朋友對我來講好重要，因為朋友係一世，我會覺得如果朋友發生啲咩事，我會唔開心過同男朋友分手。如果工作上佢畀人蝦，我會唔鍾意蝦佢嘅人，我會對住嗰個人冇禮貌。”