聖日門“拉”唔住

【本報消息】法甲巴黎聖日門今晚作客史特拉斯堡，聖日門周中歐冠盃揚威安聯球場士氣大振，即使賽程頻密且傷兵滿營，面對實力低兩班的史軍贏波仍睇高一線。

聖日門周中歐冠盃作客三比二擊敗衛冕冠軍拜仁，報回上季決賽輸波之仇，晉級四強佔先機，更衣室士氣正盛。雖然，聖日門下周中仍有歐冠盃次回合生死大戰，加上伊卡迪、古沙華及華拉迪等因傷病缺陣，尼馬又要坐波監，戰鬥力、備戰工作大受傷影響，幸後備席柏列迪斯、堅恩、靴里拉等同樣各具實力，面對聯賽排名十三位、實力名氣遜一籌的史特拉斯堡，客場出擊有力再奏凱歌。

聖日門翼鋒迪馬利亞談及目標：“我為自己職業生涯驕傲，擁有的一切都是憑自己努力得來。在皇馬有巴利、賓森馬，C朗、摩特歷和阿朗素，但我還能佔一席位置，一直盡最大努力去奮鬥。夢想？我有很多夢想，其中之一就是和聖日門再續約一年，因為好希望和球隊贏得歐冠及更多冠軍。另一個夢想是和國家隊贏得世界盃，我相信能夠實現這些目標。”

馬賽難贏“彼”

另外，第六位馬賽作客第八位的蒙彼利埃，馬賽聯賽作客九場不勝（四和五負）嚴重腳軟，面對四勝五和近況不俗的蒙軍，客場勝鼓不易敲響。