昨夜賽總投注逾三百三十萬

高君濤高中三元

昨晚沙地賽事完結。是仗跑五場總投注三百三十一萬一千元。

頭場六班混戰，跑出熱頭冷腳。豪廄“量子力學”交高君濤主轡，以強橫後勁挫敵。此駒轉投豪廄後屢拼未出頭，用劉永康掛帥最叻跑二三名。今次強配高君濤再搏，此子發揮果然不同。出閘雖慢半拍，但全程奮力拼鬥，入直路撒開大步逢馬過馬，埋門一網成擒，贏來還有大把在手。“量子力學”出閘例慢，跑法被動，今次贏馬騎者居功。謝偉豪接手此駒終於開餬，算有交代。

第二場史偉恩蠃“電子雄風”。此駒上次何華麟搏殺，飲恨第二未竟全功。今次換人再來，改配恩利克負頂磅轉戰一五一○米。騎者出閘咬貼前領馬“江河神獸”，入直路發力衝剌，掟甩對手替馬匹平反敗局。“電子雄風”退役港馬來澳後表現脫胎換骨，練者史偉恩亦有功勞。此駒沙地一流，日後將成馬房主要取分棋子。

第三場高君濤搏殺起孖。此子騎錢廄“勝利皇星”，以較佳留放挫敵。此雙人馬上次蠃完一三五○米增程再來，今次負一百三十三重磅出戰，未有造成太大壓力。出閘快放守好位，入直路一攻而破，贏來游刄有餘。跑完獨贏近十倍，全賴同場有馬孭飛。“勝利皇星”人馬連捷，練者亦居功。

第四場高君濤高中三元。此子於一、三場起孖後乘勝追擊，是場騎兆廄“峰飛騰”埋門影相，贏對手一個鼻，替馬房建功。此駒上次張志立跑第二未能贏馬，今次起用高君濤再拼。騎者發揮上佳水準，埋門以頸位險勝。兆廄喜添一W，高君濤三元進帳。

尾場田中正一騎貴廄“金寶馬”贏出。此子前幾場無建樹，跑至此場騎“金寶馬”出戰，臨場賠率成半冷。出閘留住跑，入直路如飛將軍從天而降，埋門一網打盡，替馬房添頭馬。此駒跑完變熱門，被人大注扑中。田中正一食尾餬埋齋。