廖子妤常被朋友催婚

廖子妤早前為婚禮業界舉行的頒獎禮擔任頒獎嘉賓，一身西裝打扮的子妤“反串”現身，她表示：“之前拍攝《地產仔》及出席金像獎都有着男仔西裝，我好鍾意西裝，我覺得西裝係我的盔甲，係一個好有魅力的打扮，無論男同女都可以嘗試。”

子妤透露早前曾擔任模特兒影婚照，加上近年不少朋友結婚，故有不少朋友向她催婚，令她想到自己是否已到適婚年齡？她說：“身邊的朋友紛紛步入婚姻殿堂，開始有人問我幾時結婚？想唔想結婚呀？”不過她並未對人生大事太過着急：“我的答案都係隨緣啦，你要遇到一個對的人唔係咁簡單。身邊的朋友好幸運可以遇到另一半，我都替佢哋開心。”

雖然未遇到Mr Right，不過子妤表示已諗好自己的婚禮點搞：“我會憧憬有個婚禮，希望可以搞一個派對，唔使畀禮金，只要玩同食、有泳池有樂隊，開開心心咁玩。”