RubberBand阿正開金口冧老婆

RubberBand紅館騷前晚進入第二場，四子穿上最具樂隊特色的服裝登場；阿正首次單人匹馬主唱歌曲，令全場觀眾陷入瘋狂狀態。

繼首晚阿偉溫馨獻唱給女兒的歌，前晚的Solo環節輪到阿正登場。阿正甫開口便笑說：“你哋唔知我係唔出聲那一個？訪問唔出聲、演唱會我都唔出聲，不過今次都嗌咗少少，但唔知有冇走音。前一晚阿偉唱咗首歌，但你唔好以為我會唱歌，唔好咁大期望。”此番話一出全場起哄，阿正繼續說：“你畀我講埋先，我十年嘅嘢今日要講晒出來。呢首歌係我寫的，不過我寫好多首歌都係諗住那個人，就係我老婆，佢今晚都有來。呢首歌作嘅時候真係諗住佢嘅，歌詞就係嗰啲唔係好正規嘅英文，但係好冧冧豬嘅，我會彈畀你哋聽。”

觀眾聽到阿正這番話，當然唔肯罷休，全場拍晒手要他唱歌。笑言“腳都震埋”的阿正最後都屈服，唱出《i》專輯中的《First Date》，觀眾也隨住音樂拍和，現場氣氛高漲得來又甜蜜滿瀉。心情大靚的阿正，唱罷更向太太送上飛吻。

前晚觀眾的熱情，打動了RubberBand每位成員，在音樂會上連番“安哥”。阿偉期間拿起手機四處拍片，然後又與觀眾Selfie，表現興奮。在唱過《我和你》、《夏令時間》和《Simple Love Song》後，音樂會曲終人散。