謝嘉怡睇電視練廣東話

港姐謝嘉怡(Lisa)前晚為無線綜藝新節目《好聲好戲》獻出首次配音，現場做訪問時更對答如流，Lisa開心謂廣東話大有進步。

擁有鬼妹仔口音的Lisa，對全部廣東話題目冇有怕，更覺得比想像中容易：“OK！開頭的對白慢啲簡單啲，但挑戰第二段快啲就甩咗。（甩咗有冇唔小心爆粗？）冇！之後練到凌晨三點幾，竟然效果好咗，可能夜晚易練啲，亦係最好的方法。”

被問是否識了香港男友所以廣東話大躍進？Lisa笑住否認，解釋是狂睇電視學習得來：“除咗同媽咪講說話用英文之外，同其他人講都係用中文，想挑戰一下自己。”她又表示現階段唔想拍拖，會專注事業：“拍拖要花時間在對方身上，依家得返大約兩個月港姐任期，唔想放過進步的機會。（屋企人可有催你？）冇，佢哋叫我快啲練好廣東話，問我點解仲講得咁差。之後我想試吓拍戲。”