RubberBand期待除罩相見

RubberBand一連四場的演唱會前晚於紅館舉行首場演出，近日香港政府放寬演藝場所入座率至約七成，一眾樂迷搶購門票。前晚還有黃偉文、謝茜嘉等藝人捧場，劉德華、蘇永康亦送上花籃祝賀。

一連四場的RubberBand音樂會前晚假香港紅館舉行，樂隊大唱由出道至今多首貫穿音樂會主題“散聚”的歌曲，氣氛熱烈，場面感人。

RubberBand甫出場便與雷柏熹爵士大樂團及無伴奏組合AMuiXis登場，連唱《醒未》及《每道微小》為觀眾熱身；緊接便唱出早期作品《一早地下鐵》、《小涼伴》及《阿波羅》等十首歌。唱至《小涼伴》時，主音6號與觀眾一同大合唱，令場面變得格外溫馨。6號在台上感觸地說：“我哋等咗呢個合唱都唔知幾耐！之前好擔心坐唔滿、效果會唔好。”

唱罷《漫長》後，6號特別分享了今次開騷的心情：“舊年搞咗個音樂會，請咗一班Big Band同我哋玩，但玩完之後，好多人都話因為疫情關係做唔到現場，但依家終於夢想成真！我哋經過好多不確定性、唔順利，但都可以在今日有呢四場音樂會同大家見面！唔再係網上或者係會Hang機的網絡，係真人！大家可以親眼感受到我哋的皮膚同汗水。”

在中段的《健兒》及《堅彌地城》一句又一句正中人心的歌詞為觀眾打氣後、《睜開眼》全場漆黑一片的場面、直到歌曲完結前燈光全開的視覺效果，都令演出格外震撼。之後的《練習說再見》、《心照一生》及《Hello?》對應現今香港的狀況，也令不少觀眾無比感動。

音樂會每晚都會有個人Solo部分，首場的主角是阿偉。阿偉婚後誕下愛女G.I.，當晚阿偉在台上與觀眾分享了與女兒相處的點滴。他說：“我個女今年六歲，六歲係一個小朋友好大轉變的一年。六歲前，我同佢媽媽已經係佢世界的全部，乜都係爸爸媽媽，就連聽歌都只係聽RubberBand的歌，甚至達到迷戀程度。但今年六歲，佢轉變好大，由好鍾意RubberBand變咗鍾意BLACKPINK，畀我都咁揀。不過無論點都好，大家最緊要有得選擇。”阿偉的一番話引來觀眾笑聲不斷，之後他便自彈自唱在女兒出世時創作的《G.I.》，慈父心情表露無遺。座位上的女兒G.I.亦向爸爸送上心心，場面十分溫馨。

音樂會尾聲，RubberBand特別獻唱了大會主題曲《Ciao》、《逆流之歌》及《發現號》。6號再次被全場觀眾感動，充滿感激地說：“疫情反覆，但我哋可以有機會在這裡再聚，係唔簡單的事，要畀啲掌聲你哋自己。我哋同大家承諾，在廣闊的未來除罩相見。”接着唱出《未來見》後，音樂會本來便結束，但觀眾仍熱烈地高喊“安哥”未肯離場。最終RubberBand在未有準備下，再次上台唱出《夏令時間》一曲，泥鯭亦被觀眾的熱情打動，不禁流下男兒淚，整個音樂會在感人的場面中圓滿結束。