薛家燕吉祥物大受歡迎

薛家燕的“家燕媽媽”公仔深入民心，受到市民歡迎。家燕姐昨日出席“吉祥物關愛參與社會教育推廣計劃啟動禮”活動時，透露“家燕媽媽”公仔獲邀成為這社會教育推廣計劃的吉祥物，對市民作出關愛。

談到“家燕媽媽”公仔，家燕姐笑言都好似她：“大家都有粒癦，但係講到靚，梗係真人靚啦，哈哈！（這個公仔是你自己設計的？）唔係，係由家燕媽媽藝術中心的同學及同事幫手設計的，仲有歌曲和舞蹈配合這公仔的形象。有時我工作太忙，學生便代我帶這吉祥物到安老院探訪長者，都幾受公公婆婆歡迎。”

談及上月底她七十一歲生日，家燕姐表示三個仔女都有送上驚喜的神秘禮物：“當晚錄完《流行經典五十年》之後，返到屋企他們已叫了宵夜給我吃，吃完都凌晨一點，我便叫大家好去瞓覺了，仔女就話未住，還有份神秘禮物送給我，不過要做些儀式才能正式收到份禮物。（是否送洋樓給你？）係就好囉！”