緋聞女友斥性伴超多

翟威廉：有但唔算多

昨日翟威廉出席復活節活動，他與麥貝夷因夾Band不時出雙入對傳出緋聞，日前麥貝夷在社交網撰文：“今天才知道你性伴侶的數量多得驚人。”翟威廉成為嫌疑人物，他昨日在復活節市集中，就被指有“幸福肥”，他苦笑回應說：“唔慌唔肥。”

翟威廉說：“我要澄清同麥貝夷從來冇拍拖，唔係佢男友，個story唔係講我，我重新睇過麥貝夷個story，唔係講緊佢嘅男友，所以我考慮緊佢係唔係話緊我，如果我生活模式令佢唔開心，我同佢講sorry，我whatsapp佢，但佢封（鎖）咗我，件事了解當中。”

他自言同陳庭欣分開後單身近七年，又稱從來冇講大話，感情上好直接，這是他的生活模式。他續稱第二點他要澄清的是伴侶數目，他激動地說：“我唔係無數咁多性伴侶，係正常，唔好問我有幾多，（目前有冇女朋友？)有一位日本女友。”