賓菲加迎戰聯樂

【本報消息】本地甲組足球聯賽今晚七時在氹仔運動場續戰。上仗首敗的賓菲加迎戰聯樂，人腳有優勢，有力在聯樂身上重返勝軌。

賓菲加上輪遭青鋒絕殺全失三分，但今戰鬥實力遜色的聯樂，有望睇好搶勝。賓菲加今戰雖有伊利“坐波監”，但哥爾斯及艾歷臣等領軍前線，陳敏、吳鏵景及張海山等掛帥，實力仍肯定在聯樂之上。聯樂上戰大敗於澳科鄒北記腳下，倒戈的李子健、鄺一明等把關後防，失守前表現不俗，惜失波後出現斷崖式崩盤，今戰鬥火力強勁的賓菲加，搶分不容易。賓菲加有望借機重返勝軌。

九時由士砵亭迎戰葡人之家。士砵亭整體實力有優勢，雖然上戰不敵警察高效率的反擊，綠白軍開季錄得兩連敗。但葡人之家攻守實力明顯較遜色，士砵亭有安祖、胡柏威、楊家鴻等領軍，有力睇高半線搶分。

蒙卡一球挫恆勢

甲足昨晚上演獨腳戲，蒙地卡羅迎戰恆勢。恆勢形勢稍稍佔優，但陳兆麟藉一次角球攻勢勁射破網，助蒙卡在十一分鐘迅速領先。打開紀錄的蒙卡隨後不乏機會，張健聰半單刀勁射被恆勢門將陸家安擋出，遠柱的陳兆麟補射再被陸家安勇救。半場前李卓燃禁區邊起腳同樣被陸家安飛身救出。換邊後蒙卡有多次攻勢，但被恆勢防線逐一化解。惜恆勢前線屢次失機，完場前更有林加寶被逐。最終蒙卡守住半場勝果贏一比○，搶得今季首勝。