時間驗證

這期焦點不用說，全城討論消費券。

疫情逾年，大家都難免抗疫疲勞，疫苗雖已推出，惟病毒仍頑強，人員流動絕對受限，冇客到，旅遊城市大忌。如何自救庫房又救民，政府唔係冇做嘢，舊年做出好成績，皆大歡喜；今年以為再下一城，豈料全民反應激動。措施甫公佈，小城即變“維園”，意見紛紜。

相比去年直接畀錢入大衆袋，再分期慢慢用，是次措施的確複雜不討好，不過，社會對措施訊息已消化多日，計劃是否真的一文不值？慢慢都有一些理性、客觀的聲音及意見。個人認為，現時環境情況與去年不盡相同，措施改變無可厚非，網上有意見認為：直接派錢有其好處，因為多做多錯、少做少錯、唔做唔錯，但一個政府有可能這樣運作嗎？這論調有道理。

一年來，不少人都過得艱難，打工的有失業、放無薪假；做生意的因客流大減、不少節慶團體活動取消，每月吊鹽水，各人有苦自己知，經濟、生活壓力沉重，非常磨人，難免有怨氣，自然期待政府出手幫一把。針冇兩頭利，要同時滿足幾十萬人，談何容易？這就考驗為官者是否“接地氣”，體恤民間疾苦，對症下藥，措施有否成效，時間可以驗證，最緊要係識執生，勢頭不對就請收手，無謂死撑。

曉 葳