梅小惠追憶舊愛曾偉權

車淑梅主持的電台節目，請到闊別熒幕多年的梅小惠接受專訪。小惠大談娛圈今昔之餘，還剖白感情事，並追憶舊愛曾偉權。

去年底小惠的舊愛曾偉權離世，她表示難忘對方的優點：“我廿一歲見到筍嘢（曾偉權）就飛身過去，佢又高大又靚仔，第一日已經想結婚，但佢冇求過婚，因為我哋已經喺埋一齊，（大家）最後一次見係喺爸爸喪禮上，我主動多謝佢……我冇乜嘢，我只會記得佢好保護我，佢係好演員，曾教導我，又會車出車入，我想食腸仔包佢又周圍去搵畀我，呢啲就係美好嘅回憶！”

小惠於節目內剖白感情事，被問及阮兆祥在她心碎時搬到她家隔離居住，曾否想過跟他發展？小惠坦言：“其實祥仔當時都失戀，咪一齊相依為命囉！不過佢真係好錫我。（佢太太會唔會呷醋？）祥仔未結婚喎！我再次澄清佢係單身嘅，有興趣可以致電營業部徐小姐，哈哈哈！我相信上天會畀一個更好嘅人我！有機會我都想結婚，但係而家已經係家庭主婦，我一個人住都要煮飯洗碗，係一個未結婚、就快五十五歲嘅家庭主婦，哈哈！”