濠江寶必全力進取

今季練者陣營競爭激烈。現時跑了半季賽事，錢健明以二十八W領先。此廄近期頻展現攻勢，每仗贏馬停不了。

但有些馬房要贏一場都難，暫居榜尾的李森只贏兩W，同錢廄二十八W相比可謂差天共地。李森上季取十三W排名中下游，今季兵源同上季大致相若，但已五個月無贏馬，若捧其場者可能輸死。李森今季成績跌至谷底，究其原因乃馬匹上季拼搏多，大部分要回氣。今季戰駒多未能回復水準，不少連番拼搏只得位置，跑來跑去始終難贏。看練者龍虎榜成績，李森亞軍有八場、季軍多達十四場，反映馬房有心搏殺，無耐欠運。當中“艾卡爾”、“科高騷”、“百達時”等，季內曾多次入位，可見馬房具戰意，馬匹未能勝出，練者亦無奈。事實跑馬要講運氣，只要人馬搏盡，已有交代。

周日上演六場草沙混合賽，李森續派馬搏殺，第二場四五班“濠江寶”交田中正一操刀應有諗頭。此駒季內七戰取兩亞四季，除上仗不入三甲，每次都入位，計上名率頗高。練者打理“濠江寶”一向落足心機，馬匹狀態長期保持。拼後小休重來，今次原程再戰對手減弱，不同估計。“濠江寶”季內未贏，料必全力進取。今次由田中正一掛帥，當旺騎師手風順，冀一網打盡。