吳孟達留下兩個謎

吳孟達最後劇照：太空人模樣，全身白色，演中國海軍的科學家。內地有導演致悼説：“很專業演員，從來兩不帶：入廠不帶劇本、不帶助手。”他是與無線第三期藝訓班的周潤發、盧海鵬、羅冠蘭等一齊訓練出來的。

達叔死後，藝海有兩個謎未解：訓練班中，他成績名列前茅；周潤發成績差劣，險些被趕出校，幸有導演從字紙簍的考卷中“執”他回來。還有，吳孟達與周星馳周街踎識於微時，因一張紙仔結為莫逆。

班中包尾！周潤發直認，當時考訓練班有四項目：講一段對白、演一段默劇、唱歌、跳舞，面對五位監考官：“我一開聲，叮到我暈；我跳舞又叮到我暈。那時想做藝員，歌舞好是首選的。”有戲劇大師見他外形瀟灑，翻查報名表，見他做過很多份工作，接觸各階層人士，若加以訓練，這種人生閱歷，就是潛質無可限量的演技派。“自細捱餐飽，自知學歷不高，會搵食艱難。我入無線，沒想過當藝人、當明星；只為打份工，拍戲即係返工，冇嘢諗口架。”

點解毫無明星款，周街行、坐地鐵，許多時更係發哥撲上去同影迷合照？“在街上見到觀眾，當然高興啦。佢哋係我老闆呀，部部戲買飛，幾十年支持。難得見到面，要講聲多謝。”

周潤發親民，很大學問的——大合照，必定發哥自己揸機：“我生得高，鏡頭從高拍下，我臉形較尖好看。別人揸機，角度向上，有點畸形。還有，自己揸機，攞到自己個樣最正才撳掣。哈哈，死在自己手上，好過死喺別人手上。”與影迷自拍照也自創一套學問。周潤發自認學歷低，卻從不自卑：“做演員，EQ比學歷重要。”

吳孟達EQ怎樣來的？外景蹲在街邊等埋位，對着地上一張紙發呆，星仔經過好奇：“你睇咗呢張紙個幾鐘頭，睇乜呀？”當時的達仔苦着臉說：“就是這句對白囉。”星仔一望，唓，冇得搞。“就係冇得搞，我想有得搞。”兩個大茄突然觸電一閃，冇得搞係都要扭到有得搞，結果造就了兩位“金牌戲神”。

高 梁