洪金寶嘆香港電影快沒落

洪金寶（三毛）昨日精神奕奕現身電影《邊緣行者》開鏡禮，他雖然要手持拐杖助行，但中氣十足，相當靈敏。

三毛早前傳言健康出現問題，身體狀況受到關注。昨日他在太太高麗虹陪同下開工，狀態不錯。他透露繼上一套賀歲片之後，已有兩年冇拍戲，今次以友情客串性質演出，飾演大哥角色。問到有否要求拍攝時有充足時間休息？他笑謂：“這陣子每日都休息，都休息了年幾兩年，最開心是有工開！好耐冇拍香港電影，雖然是客串，但有工作要繼續做，絕對是開心。”

三毛坦言十分欣賞及佩服有電影公司在疫情下仍開戲，笑言他就冇咁本事。會否減片酬支持同業？他笑說：“如果政府搵我拍就唔使減啦，大把錢，同業就有得傾。（希望政府幫助電影業？）唔講咁多啦！人生冇希望，只希望香港仲有空氣可以呼吸。睇電視見到老百姓的生活都心酸，想幫都幫唔到咁多，唯一可以做就係流眼淚。”

談及香港UA戲院全線結業，三毛嘆氣道：“可能連電影及電視都就快沒落，要聽返收音機，香港乜都復古！（唏噓？）當然啦！以前成日行戲院睇觀眾反應，依家冇呢支歌仔唱囉！”