關智斌新碟釋正能量

關智斌(Kenny)的新碟《前面是新的歲月記得走下去》今日面世，專輯名稱來自碟中最後一首派台歌《隱形人》首句歌詞，他說：“我對呢一句特別有感覺，呢段時間大家對前景感到迷惘、好多不確定因素，所以呢句歌詞畀自己一個鼓勵，亦係想勉勵大家嘅一句說話。”Kenny碟中釋出多個華麗、誇張、前衛的獨特造型，是他刻意經營，每個造型代表一首歌，專輯共收錄五首歌曲。

唱片封套於大霧山一間空置大屋拍攝，期間引來不少行山人士及小朋友注目。Kenny說：“有好多行山人士經過我哋拍攝間屋，因為我啲衫都比較誇張，記得有啲小朋友畀我嚇到喊，特別係頭頂有角的造型。因為那段時間，再加埋我着到咁奇特，可能佢哋以為入咗結界，哈哈。好記得入黑之後，整間屋嘅感覺同日頭完全兩回事，所以大家都馬上加快速度拍攝，拍完大家都趕住收工返屋企。”