龔嘉欣渴望真桃花

龔嘉欣去年憑主演的兩部劇集，在萬千星輝頒獎禮上連奪兩大獎，演技再次獲得肯定。事業得意，嘉欣去年亦成功“上車”，在新的一年，她希望遇上真姻緣，但揚言不接受“姊弟戀”。

嘉欣表示過往新年都會在屋企擺棵桃花應節，今年搬了新屋，更想行桃花運。她笑說：“觀眾緣的桃花運我都有，但更旺來我屋企的朋友的姻緣，兩個圈外朋友都已在拍拖。”年前她再傳出新戀情，有指她戀上馬來西亞富二代，不過嘉欣強調兩人只是普通朋友。會否渴望有真桃花出現？她說：“都想呀，但我覺得要搵一個可以互相支持對方工作的人，唔係容易的事。辛苦多年建立的事業，若果得唔到對方支持會覺得好可惜。（圈中人會較適合？）圈內外都冇所謂，最緊要體諒我。”

嘉欣坦言已年過三十，本身亦好重視家庭及喜歡小朋友，再拍拖會以結婚為目標。會否羨慕好姊妹做了媽媽？嘉欣稱不會羨慕，但會戥她們開心：“佢哋好大方，每次見到佢哋的BB，都會交畀我湊，我都好樂意做保母。雖然身邊好多朋友做咗父母，我又唔知有冇機會做媽媽，