好好跑沙地蟲變龍

浩勝寶馬平反敗局

上周賽事順利完成，新正頭過後氣氛轉趨平淡，總結兩日十一場戰果仍利冷居多，不少公眾熱門敗得“支支助助”，尤其馬少場合總是爆冷溫床，難道真是人少好做作？現時度貼士買馬，除研究馬匹實力外，還要懂得拆局，事關跑馬涉及人為因素，否則不會有騎師未盡全力。

上周兩仗前領騎師高君濤勝出“好好”及“浩勝寶馬”，現以二十七W繼續領先。此子近期手風正順，單在二月分已取七W，陣上表現算好。“好好”前仗千二米大熱門四甲不入，人馬表現失準。此駒敗後兜個圈再來，上仗跑沙地因無績可尋，故獨贏亦有六倍，騎者出閘搶放，由頭直帶到尾，贏來大把在手，反映馬匹實力不凡。此質新分子沙草皆宜，狀態與日俱增，屬譚廄今季重要取分棋子，日後出戰任何場地亦宜看重。

另一頭馬“浩勝寶馬”上仗情況與“好好”如出一轍，此駒前仗千五米放至埋門始敗，跑來有頭無尾，兩倍獨贏只得硬碰。“浩勝寶馬”敗後小休重來，上仗原程再戰抽到一檔，騎者照辦煮碗出閘搶先，全程愈放愈有，最終輕取對手個半馬位，贏來實力超半班。高君濤冠軍人物騎牛都熱，但跑完獨贏五倍，令人始料不及，有此賠率全賴“大玩意”孭飛。“浩勝寶馬”現只三歲屬當起階段，表現循序漸進，練者摩利高對此駒護理得宜，日後升上四班料有頭馬見面。