鄭俊弘唔想睡房曝光

鄭俊弘(Fred)前晚錄影《流行經典五十年》節目，提到無線有編導因親友確診新冠肺炎而被列為緊密接觸者，而曾與該編導有接觸的一百三十名同事及藝人都要接受病毒檢測。Fred表示沒有接觸過該編導：“我不用檢測，亦不擔心，相信公司會做足安全措施，開廠時用的咪事前都會進行清毒，我個人亦會做足防疫措施。”

早前Fred與何雁詩位於大埔的愛巢在賀歲節目中曝光，他坦言初時很介意公開家居：“公司同我講，我哋兩公婆計一人一個騷，我就話好啦；老婆聽到計一人一個騷都話照做。”他即被同場的譚嘉儀取笑好現實，不過她亦大爆之前曾到過Fred的新屋食飯：“覺得間屋好大、又舒服。”

Fred笑言拍攝前要與老婆一齊執整齊間屋，節目中只有睡房沒有公開。問他要幾多個騷才肯公開？他笑說：“費事啦，睡房太私人，不過師傅都有幫我哋間睡房睇風水，建議我要擺些植物。（催生BB？）唔知催乜？佢話因為床位對住廁所位唔好，要擺啲植物化解。”