彭家麗翻錄金曲有壓力

彭家麗日前接受無線娛樂新聞台節目專訪，大談推出翻唱專輯《絢麗》的感受，直言翻唱有壓力。她說：“因為錄其中一首歌《我一見你就笑》時，填詞人夏丹姐姐親臨錄音室，我真係有啲緊張。初時我擔心佢會唔會好嚴肅？原來佢好搞笑、好活潑。由於有好多歌手翻唱過呢首歌，但歌詞總有些出入，所以今次我好好彩，可以順便問返佢。”

彭家麗表示翻唱六十年代經典歌曲須做好多功課：“我好鍾意聽六十年代的歌，但認識唔多，為咗今次錄專輯，又聽多咗好多。我覺得一定有先入為主，所以我想為歌曲注入多啲色彩，畀大家有種新的感受。”

彭家麗指專輯內有快歌，並且會排舞拍攝MV。她說：“可能我畀人的感覺好斯文，過去好似成日唱慢歌，但其實我都好喜歡唱快歌。我最想挑戰勁歌，又鍾意搖滾，但暫時仲未有人發掘我呢樣潛力！入行三十二年，我覺得自己仲有好多可能性，所以希望乜都可以嘗試一下，與唔同音樂人合作擦出火花。好似今次錄新專輯，我就被發掘到唱低音方面（的潛力），有兩隻歌的Key都好低。”