東方盈悅擺明要搏

澳馬戰火重燃，今晚上演五場沙地賽，頭場七點○五分開跑。騎師安萬堯續養傷，陳卓鋒高掛免戰牌，恩利克復出聯同原班人馬上陣。綜觀大局，各場出馬疏落。馬少缺乏重心，賽果熱倒冷爆唔奇，投注執生。

筆者心水推介，第三場二班一三五○米，王君適廄“東方盈悅”可做馬膽。此駒上仗一五一○米放至埋門始敗，明顯輸路長。拼後小休再來搏殺，續由余健雄操刀人馬老搭檔，可重溫贏馬美夢。

“東方盈悅”四歲馬年輕力壯，季內料有進步空間。此駒沙地起家，迄今十戰共取六冠兩亞兩季，戰績不俗且演出準繩。上仗一五一○米末段勁力不繼，反映途程不合。拼後磨足再戰，今仗擺明要搏。此駒出閘敏捷，前竄力夠強，若搶先放頭對手不易追到。今仗重遊勝路，憑余健雄駕輕就熟，有力勝回一局。