陳柏宇戥星夢歌手慘

陳柏宇前晚出席網上銀行發佈會，被問到其所屬的Sony Music與無線關係“破冰”，未來是否有更多機會亮相？柏宇直言未至於“終等到這一日”咁嚴重。他說：“我之前都有上無線節目，只係無去勁歌頒獎禮。不過早期都有參與過頒獎禮，反而一班師弟師妹未去過，他們應該比較期待。”他亦透露即將與不同歌手合作，希望年底可以舉行演唱會。

談及昔日無線音樂節目是星夢歌手天下，如今隨着關係修好，柏宇便多了一個宣傳平台，他謂：“無特別去計較，其實調返轉講，星夢一班歌手無得去其他頒獎禮，佢哋都好慘。”

談到新年怎樣度過？柏宇表示與過往無太大分別：“都係跟家人一起過，或是朋友到我家拜年。今年最大的分別就是，以前我會跟我太公那邊一家人，可能有四、五十個人一起團拜；但今年就冇啦。”

柏宇太太日前上載兩歲多的女兒Abigail向男生獻吻照，柏宇笑說：“佢經常叫人錫，可能是我經常叫佢錫我哋，好似起身、睡前、返到屋企都會叫佢錫我哋，所以習慣叫人錫。如果不是疫情關係，我接受這禮儀，也是愛的表達。到她返學後便懂得是甚麼一回事，不會再錫；現在依然童言無忌，可以做就做。”